Astanadaǵy musylman zıratynda zertteý jumystary júrip jatyr
ASTANA. 24 qyrkúıek. QazAqparat - Elordanyń «Jastar» shaǵyn aýdanyndaǵy «Qaraótkel» musylman beıitinde 1609 jyldan 1962 jyl aralyǵynda máıitter jerlengen. 2010 jyly Astana ákimdiginiń qaýlysymen zıratqa jergilikti mańyzdaǵy eskertkish mártebesi berildi.
«Báıterek» halyqaralyq medıa-ortalyǵynyń málimetinshe, 2012 jyldyń jazynan bastap onda jerlengenderdiń pasporttyq málimetterin tereńdetý úshin ǵylymı-zertteý jumystary bastaldy. Atap aıtqanda, onda jerlengen tanymal adamdar anyqtalýda. Bul jumystar aıaqtalǵannan keıin ǵalymdar Tselınogradtyń, Aqmolanyń, Astananyń tarıhynda jańa betterdi ashýǵa negiz bolatyndaı jańa tizimdi jarııa etýdi josparlap otyr.
Qulpytastaǵy jazýlar arab jáne parsy tilderinde jazylǵan. Qazirgi kezde atalǵan aýdarmalardy qazaq jáne orys tilderinde jasaý úshin Astana men Almatynyń ǵalymdary tartyldy. 2012 jyldyń qarashasynda tıisti jumystar aıaqtalyp, ǵylymı qorytyndy jasalady dep kútilýde.
Aıta keteıik, beıitti qorshaý boıynsha qurylys jumystary aıaqtaldy. Belgili bolǵandaı, osy jumystarǵa Gýtsarıev esimdi aǵaıyndylar metsenattyq etken.
