Astanadaǵy Mırzoıan jáne Petrov kóshelerindegi úılerde sýmen jabdyqtaý qalpyna keltirildi
ASTANA. Tamyzdyń 25-i. QazAqparat - Seısenbi, tamyzdyń 24-inde elordanyń Almaty aýdanynda Mırzoıan jáne Petrov kóshelerinde dúısenbi kúni sýsyz qalǵan birneshe úıdiń sýmen jabdyqtaý júıesi qalpyna keltirildi. Bul týraly Tótenshe jaǵdaılar mınıstrliginiń baspasóz qyzmetinen habarlady.
Jol jóndeý jumystary júrip jatqan Mırzoıan jáne Muńaıtpasov kósheleriniń qıylysynda dúısenbi, tamyzdyń 23-i kúni saǵat 17.50 shamasynda dıametri 250 mm qubyr jarylǵanyn QazAqparat budan buryn habarlaǵan bolatyn. Nátıjesinde Mırzoıan jáne Petrov kóshelerinde 12 úıdiń turǵyndary sýsyz qaldy. Tótenshe oqıǵanyń saldaryn joıýǵa «Astana sý arnasy» kásipornynyń 10 jumysshysy men 4 arnaıy tehnıkasy jumyldyryldy.
Esterińizge sala keteıik, Qajymuqan Muńaıtpasov kóshesiniń boıymen Táýelsizdik dańǵylynan Abylaıhan dańǵylyna deıingi aralyqta jol jóndeý jumystary júrip jatyr, kólik qozǵalysy shildeniń 16-sy men qazannyń 15-ine deıingi aralyqta tolyq shektelip otyr.
