Astanadaǵy Mırzoıan jáne Muńaıtpasov kósheleriniń turǵyndary sýsyz qaldy
ASTANA. Tamyzdyń 24-i. QazAqparat - Elordalyq «Almaty» aýdanynyń turǵyndary dúısenbi kúni eki keshtiń arasynda sýsyz qaldy, dep habarlady Tótenshe jaǵdaılar mınıstrliginiń baspasóz qyzmetinen.
Jol jóndeý jumystary júrip jatqan Mırzoıan jáne Muńaıtpasov kósheleriniń qıylysynda saǵat 18.00 shamasynda dıametr 250 mm qubyr zaqymdandy. Nátıjesinde Mırzoıan kóshesinde №1, 1/2, 3, 3/1, 5, 7, 7/1, 8/1, 9/1, 12, 14/1 úılerdiń, Petrov kóshesinde 21/3 úıdiń turǵyndary sýsyz qaldy. Mınıstrliktiń aqparaty boıynsha, qazir oqıǵa ornynda jóndeý-qalpyna keltirý jumystary júrip jatyr.
Esterińizge sala keteıik, Qajymuqan Muńaıtpasov kóshesiniń boıymen Táýelsizdik dańǵylynan Abylaıhan dańǵylyna deıingi aralyqta jol jóndeý jumystary júrip jatyr, kólik qozǵalysy shildeniń 16-sy men qazannyń 15-ine deıingi aralyqta tolyq shektelip otyr.
