Astanadaǵy mıgranttardyń basym bóligi - Reseı men Ózbekstan azamattary
ASTANA. 26 qarasha. QazAqparat /Arman Asqarov/ - Búgingi málimetter boıynsha, Astanaǵa kelip jatqan mıgranttardyń basym bóligi - Reseı men Ózbekstan elderiniń azamattary.
Bul týraly búgin Astanada ótken Qazaqstandaǵy kóshi-qon máselelerine arnalǵan konferentsııada Astana qalasy ІІD Kóshi-qon polıtsııasy basqarmasynyń Oralmandar men bosqyndarmen jumys jónindegi bas maman Beıimbet Úsipbek málim etti.
Onyń habarlaýynsha, bıyl Astana qalasy boıynsha tirkelgen sheteldik azamattardyń sany - 67 324 adamdy qurap otyr. Olardyń 59 myńnan astamy - TMD elderiniń azamattary. Al osy mıgranttardyń 90 paıyzǵa jýyǵyn Reseı men Ózbekstannan kelgen azamattar quraıdy. Bıyl Reseıden kelgen mıgranttardyń sany 23 223 adam bolsa, Ózbekstannan 23 323 mıgrant keldi. Jalpy, bıyl syrtqy kóshi-qon deńgeıi artyp, 58 myńnan 67 myń mıgrantqa deıin kóterilip otyr.
