Astanadaǵy meshitte urlyq jasady degen kúdikti ustaldy
ASTANA. QazAqparat - Elordalyq polıtseıler meshitte urlyq jasady degen kúdiktini ustady, dep habarlaıdy «QazAqparat» HAA Astana ІІD baspasóz qyzmetine silteme jasap.
Polıtsııaǵa habarlasqan qala turǵyny 4 qańtar kúni shamamen 15:00-de S. Raqymov kóshesindegi meshitte belgisiz adam qaltasynda qujattary, aqshasy, telefony, kóliginiń kilti bar kúrteshesin urlap ketkenin aıtady. Keltirilgen zalal 200 myń teńgeden asqan.
Jedel-izdestirý sharalaryn júrgizgen polıtsııa qalanyń 47 jastaǵy turǵynyn ustady. Tergeý barysynda onyń buryn osy sııaqty birneshe urlyqqa qatysy bar ekeni anyqtaldy. Ol bógde bireýdiń kúrteshesin kıip, taıyp turǵan.
Osy fakti Sotqa deıingi tergep-tekserýdiń biryńǵaı tizilimine QR QK 188-babymen («Urlyq») tirkeldi. Tergeý jalǵasyp jatyr.
Kúdikti Astana ІІD ýaqytsha ustaý oqshaýlaǵyshyna qamaldy.
