Astanadaǵy memorgan qyzmetkerleriniń 80%-y qashyqtan jumysqa kóshiriledi

NUR-SULTAN. QazAqparat – Elordada memlekettik organdardyń, ulttyq kompanııalardyń, kásiporyndardyń ákimshilik personalynyń keminde 80%-y qashyqtan jumys túrine kóshiriledi, dep habarlaıdy QazAqparat.

Jańa ereje Nur-Sultan qalasynyń Bas memlekettik sanıtarııalyq dárigeri Sarhat Beısenova jańa qaýlysynda jazylǵan.

«Óndiristik qajettilikke baılanysty, menshik nysanyna qaramastan, memlekettik organdardyń (uıymdardyń), ulttyq kompanııalardyń, kásiporyndardyń ákimshilik personalynyń keminde 80%-yn qashyqtan jumys túrine kóshirý. Qyzmetkerlerdi COVID-19-ǵa qarsy vaktsınatsııalaý júrgizilgen jaǵdaıda qyzmet qashyqtyqtan jáne kúndizgi jumys formatynda jumys isteıtin qyzmetkerlerdiń paıyzdyq araqatynasy boıynsha talaptardy eskerýsiz júzege asyrylady», - dep qaýlyda.

Bul rette sońǵy 3-6 aı ishinde COVID-19 -ǵa qarsy vaktsınatsııalaýdyń tolyq kýrsyn alǵan jáne COVID-19-ben aýyryp jazylǵan barlyq qyzmetkerlerdiń kúndizgi rejımde jumys isteýine jol beriledi.

Eske salsaq, Nur-Sultanda 27 maýsymnan karantın kúsheıtilmek.