Astanadaǵy memlekettik qyzmet Óńirlik habyn maqtan tutamyz - Jıhan Sultanoǵlý

ASTANA. QazAqparat - Astanadaǵy memlekettik qyzmet Óńirlik habyn maqtan tutamyz. Búgin Astana ekonomıkalyq forýmy aıasyndaǵy kásibı memlekettik apparat taqyrybyndaǵy sessııa jumysynda BUU Bas hatshysynyń kómekshisi, BUU Damý baǵdarlamasy ákimshisiniń kómekshisi, Eýropa jáne TMD elderine arnalǵan aımaqtyq bıýronyń dırektory Jıhan Sultanoǵlý osylaı málimdedi.

«Astanadaǵy memlekettik qyzmet salasyndaǵy Óńirlik habty qurý týraly Qazaqstan Úkimeti men BUU DB-nyń bastamasyn maqtan tutamyz. Bul hab bilimmen bólisýge jáne áleýetti keńeıtýge qajetti tuǵyrnama»,-dep toqtaldy J. Sultanoǵlý.

Osy rette BUUDB ókili habpen birlese memlekettik apparatty transformatsııalaýǵa baılanysty júıeni qarastyryp, birlesken zertteýler júrgizgenin atap ótti.

«Bul hab atalǵan máselelerdi talqylaý úshin 32 el men 5 halyqaralyq uıymnyń basyn qosty. Osy shara óńirlik yntymaqtastyqta jáne bilimmen almasýda jaqsy úlgi bolyp tabylady. Sondyqtan osy sharalar bundaı mańyzdy sektorda tájirıbeni nyǵaıtýǵa tyń serpin beredi»,-dedi ol.