Astanadaǵy memqyzmet salasyndaǵy óńirlik hab jahandyq alańǵa aınaldy

ASTANA. QazAqparat - Astanadaǵy memlekettik qyzmet salasyndaǵy óńirlik hab jahandyq alańǵa aınaldy. Bul jaıynda elordada ótip jatqan «Sapaly memlekettik qyzmet maqsatyndaǵy áriptestik» atty halyqaralyq koferentsııa barysynda Óńirlik habtyń basqarýshy komıtetiniń tóraǵasy Álıhan Báımenov aıtty, dep habarlaıdy QazAqparat.

«Biz uıym retinde ósip, órkendep kele jatqandyǵymyzdy taǵy bir márte aıtqym keledi. Bizdiń seriktestigimiz tereńdep, kúsheıe túsýde. Al qyzmet túrlerimiz barynsha alýan túrli bolyp barady. Habty óńirlik dep ataǵanymyzben, is júzinde ol óńirlik shekaradan tysqary shyǵyp, jahandyq alańǵa aınaldy. Ataýy mańyzdy emes, mańyzdysy bizdiń mıssııamyz», - dedi ol.

Óńirlik habtyń basqarýshy komıtetiniń tóraǵasynyń aıtýynsha, habqa ınstıtýttyq jáne qarjylyq qoldaý Qazaqstan Úkimeti men BUU Damý baǵdarlamasy arasyndaǵy ýaǵdalastyq arqyly qamtamasyz etiledi. Qazirgi ýaqytta BUU Damý baǵdarlamasymen yntymaqtastyqty taǵy da úsh jylǵa keńeıtý baǵytynda jumystar júrgizilýde.

Sonymen qatar ol jahandaný men aqparattyq-kommýnıkatsııalyq tehnologııalar memlekettik qyzmetti damytýda jańa synaqtar týyndatyp otyrǵandyǵyn da basa aıtyp ótti.

«Túptep kelgende memlekettik organdar kvazıbásekelestik ortada jumys isteı bastady. Osyndaı jaǵdaıda búgingideı áriptestik aldaǵy synaqtarǵa laıyqty jaýap izdeýde mańyzdy qural bolmaq», - dedi Báımenov.

Konfedertsııa barysynda BUU Bas hatshysynyń Ońtústik-Ońtústik yntymaqtastyǵy jónindegi ýákili Horhe Chedıek, BUU Damý baǵdarlamasynyń turaqty ókili Norımasa Shımomýra sóz sóılep, astana óńirlik habynyń jumysyna joǵary baǵa berdi.