Astanadaǵy mektepte bilim berý júıesin jetildirýge negizdelgen «elektrondyq oqytý» ilki jobasy tanystyryldy
TANA. 12 qyrkúıek. QazAqparat /Rýslan Ǵabbasov/ - Búgin Bilim jáne ǵylym mınıstri Baqytjan Jumaǵulov Astanadaǵy №53 mektep-lıtseıiniń bazasynda engizilgen «elektrondyq oqytý» ilki jobasynyń tanystyrylymyna qatysty.
«Osy «elektrondyq oqytý» bilim berý júıesin engizip otyrmyz. Endi oqýshylar noýtbýkter men planshettik kompıýterler arqyly oqý úderisine qatysa alady. Bıyl biz elektrondyq júıege Qazaqstan tarıhyn tolyǵymen engizdik. Eń bastysy, balalar qaı jerde júrse de óziniń kompıýteri arqyly qejetti páni boıynsha sabaǵyn jasaı alady»,-dedi vedomstvo basshysy.
Mınıstrdiń sózine qaraǵanda, sonymen qatar ata-anasynyń balalardyń kúndeligi men olardyń oqý úlgerimi, sabaq kestesi jaıynda ınternet jelisi arqyly óz balasyna bekitilgen arnaıy logındi terip, barlyq aqparatty alý múmkindigi bar.
Aıta keteıik, osy «e-learning» atty elektrondyq júıe elimizdiń Astana, Almaty qalalary men Qaraǵandy oblysyndaǵy 44 bilim berý oryndaryna engizildi.
B. Jumaǵulovtyń aıtýynsha, bıyl bul júıege 2,5 mlrd. teńge bólindi. «Aldaǵy jyly osyǵan 500-den astam mektepti qosatyn boldyq. ıAǵnı, bul baǵytta ıgeriletin qarjy 10 ese ósetin bolady»,-dedi ol.
Bul júıege bastapqy kezde iri qalalar, oblys ortalyqtary, sodan keıin aýdan ortalyqtary men aýyldar da qosylady dep josparlanyp otyr.
