Astanadaǵy mektepte balalardyń keptelip qalýyna qatysty bilim basqarmasy túsinik berdi

ASTANA. QazAqparat – Elordalyq mektepterdiń birinde dálizde balalardyń keptelip qalǵany týraly beınejazba tarady. Astana qalasynyń bilim basqarmasy bul jaǵdaıǵa túsinik berdi, dep habarlaıdy QazAqparat tilshisi.

Bul vıdeo Instagram jelisinde «Jaloby Astany» paraqshasynda jarııalandy. Onda mektep dálizi arqyly garderobqa bara jatqan balalardyń shekten tys jınalǵanyn, saldarynan syǵylysyp qalǵanyn kórýge bolady. Tipti kómek suraǵan daýystar da estiledi.

«№71 mektepte sabaqtan keıin osyndaı retsizdik oryn alady. Balalar shoshyp qaldy. Mektep oqý protsesine múldem daıyn emes», - delingen beınejazbada.

Astana qalasynyń bilim basqarmasy bul mekteptiń úsh aýysymdy rejımde jumys isteıtinin habarlady.

«Úshinshi aýysym oqýshylary altynshy sabaqtan keıin bir mezgilde shyqty, kezekshiler syrt kıimderin berip úlgermedi. Bul máseleni sheshý úshin syrt kıimge arnalǵan ilgishter ár qabatqa qoıyldy, osylaısha garderob máselesi 5 qyrkúıekte sheshildi», - dep jaýap berdi basqarma QazAqparat saýalyna.

Sondaı-aq, vedomstvo bıyl oqýshy ornynyń jetispeýshiligin sheshý úshin 11 mektep ashylatynyn, onyń 4-i jumysty bastap ketkenin aıtty.

«Oǵan qosa, qalada «Jaıly mektep. ulttyq jobasy júzege asyrylýda. Atalǵan joba aıasynda 2024-2025 jyldary 90 myń oqýshy syıatyn 24 mektep salynady. Onyń ishinde 15 mektep Esil jáne Nura aýdandarynda turǵyzylmaq», - dep tolyqtyrdy bilim basqarmasy.