Astanadaǵy mektep ashanalaryn tekserý: Birqatar tasymaldaýshymen kelisimshart úzildi
ASTANA. QazAqparat - Mektep ashanalaryn azyq-túlikpen qamtamasyz etetin birqatar tasymaldaýshymen kelisimshart jańa jyldan bastap uzartylmaıtyn boldy. Bul týraly Astana ákimdiginiń baspasóz ortalyǵynda ótken brıfıng barysynda Astana qalasynyń bilim basqarmasynyń basshysy Ánýar Janǵozın málim etti, dep habarlaıdy QazAqparat tilshisi.
«Qoǵamdyq densaýlyq saqtaý departamentiniń tekserýi jáne bizdiń vedomstvoaralyq saraptama tobynyń monıtorıngine sáıkes, anyqtalǵan eskertýlerdiń nátıjesi boıynsha 14 mektepte tasymaldaýshylarmen kelisimsharttyń uzartylmaıtyny týraly sheshim qabyldandy. ıAǵnı, jaqyn arada jańa tasymaldaýshylardy anyqtaý úshin konkýrs ótkiziledi. Osyndaı jumystar taǵy 27 mektep boıynsha júrgizilýde. Qoǵamdyq densaýlyq saqtaý departamentimen birge tekserýler júrgizilip, ol mektepter boıynsha birqatar eskertýler jasaldy. Endi ol mektepterge qatysty qazirdiń ózinde tasymaldaýshylarmen kelisimsharttardy uzartpaý týraly sheshim qabyldanǵaly jatyr. ıAǵnı, ol mektepter jańa jyldan bastap jańa tasymaýldaýshylardy izdeıdi», - deıdi ol.
Ánýar Janǵozınniń aıtýyna qaraǵanda, mekteptegi tamaqtaný tekserý jumystardy, eń aldymen, ata-analar keńesteriniń, qala turǵyndarynyń qoldaýymen júzege asyrylǵan. Quqyq buzýshylyqtar anyqtalǵannan keıin qalalyq basqarma qazir qandaı baǵytta jumys isteý kerektigin aıqyndaǵan. Sondaı-aq, jańa konkýrsty jarııalaý kezinde nazarǵa alý úshin tasymaldaýshylardyń ishki reıtıngi de ázirlengen.
«Azyq-túlik ónimderin tasymaldaýshylardy anyqtaý jumysyn retteıtin QR Bilim jáne ǵylym mınıstrliginiń №717 buıryǵyna ózgerister engizildi. Jaqyn arada ol buıryqtyń resmı túrde jarııalanýyn kútip otyrmyz. Jańartylǵan tártip boıynsha, biz burynǵydaı ár mektep jáne ár dırektor bólek-bólek konkýrs jarııalaǵan amal-ádisten bas tarttyq. Jańa erejelerge sáıkes, baıqaý ortalyqtandyrylǵan tártipte jarııalanady. ıAǵnı, birneshe mektepti lottarǵa biriktirýge bolady. Osynyń arqasynda básekege qabiletti tasymaldaýshylar aıqyndalady. Jańa erejeler sondaı-aq MJÁ arqyly básekelestikti júzege asyrý múmkindigin belgiledi. Keıinirek osy mektepter úshin balalardy tamaqtandyrý ortalyqtandyrylǵan tamaq kombınaty arqyly júzege asyrylady», - deıdi basqarma basshysy.
