Astanadaǵy Mega saýda oıyn-saýyq ortalyǵynyń áınek kúmbezi opyrylyp tústi (FOTO)
ASTANA. QazAqparat - Astanadaǵy Mega saýda oıyn-saýyq ortalyǵynda tótenshe jaǵdaı oryn aldy, dep habarlady 24.kz.
Aıaq astynan tóbedegi alyp áınek tómengi qabatqa qulap, 2 adam jaraqat alǵan. Al keıbir kýágerler zardap shekkender sany úsheý bolýy múmkin ekenin aıtady. Joǵarydaǵy málimetterdi oıyn-saýyq ortalyǵynyń qonaqtary Facebook áleýmettik jelisine jazǵan.
«Biraq oıyn-saýyq ortalyǵy basshylary eshqandaı resmı aqparat bermedi», dep jazady telearna saıtynda. Qazir Mega mańaıyndaǵy qozǵalys birqalypty. Adamdar ádettegideı lek-legimen saýda oıyn-saýyq ortalyǵyna aǵylýda.
