Astanadaǵy marafonǵa 5 myńǵa jýyq adam qatysady
ASTANA. QazAqparat - 2009 jyldan beri ótkizilip jatqan Astana marafony bıyl eń aýqymdy sharalardyń biri bolmaq. Sharaǵa qatysýshylar 10, 21,1 jáne 42,2 shaqyrym qashyqtyqtarǵa júgiredi. Bul týraly elordanyń resmı saıty habarlady.
Bıyl marafonǵa úkimet músheleri, elshilikter men halyqaralyq jáne respýblıkalyq kompanııalardyń qyzmetkerleri, sondaı-aq, taıaý jáne qıyr sheteldiń atletteri qatysady.
Marafonǵa qatysý úshin astana42k.com resmı saıtynda onlaın rejımde nemese Krossfıt Astana klýbtarynda tirkelý kerek. Jarna somasy - 3-7 myń teńge shamasynda.
Aıta keteıik, qatysýshylar birneshe sanat boıynsha tirkeledi. Mysaly, quramynda keminde 5 adam bar áýesqoı jáne sport klýbtaryna 20% jeńildik jasalady.
Jınalǵan qarjy qaıyrymdylyq qorlarǵa aýdarylady. Jalpy alǵanda, 2009 jyly marafon ótkizýdiń nátıjesinde 24 mln teńgeden astam qarjy jınaldy. Sondaı-aq, qarjynyń bir bóligi aýyl jastaryn sportpen shuǵyldanýǵa tartýǵa baǵyttalǵan OneSteppeBeyond qaıyrymdylyq jobasyn iske asyrýǵa jumsalady.
