Astanadaǵy «Máńgilik el» qaqpasynda sholý alańy ashylady
ASTANA. QazAqparat - «Máńgilik El» qaqpasynda sholý alańy men kórme galereıasy ashylady. Panoramalyq dúrbimen jabdyqtalǵan sholý aýmaǵy monýmenttiń ústinde 21,5 metr bıiktikte jasalady. Sholý alańy 2017 jyldyń mamyr aıynan bastap esigin aıqara ashady, dep habarlaıdy qalalyq ákimdiktiń baspasóz qyzmeti.
Erekshe qajettilikteri bar ekskýrsanttar úshin monýmenttiń ishinde lıft bar, biraq kelýshilerdiń basym bóligi sholý alańyna qalanyń qalyptasýy men tarıhy týraly aıtyp beretin kásipqoı gıdtarmen birge baspaldaqpen kóteriledi.
Sonymen qatar, qalaǵa kórik beretin jańa oryn «Máńgilik El» qaqpasynyń tujyrymdamasyn ashatyn Qazaqstan tarıhy týraly jumystardy jáne taqyryptyq rolıkterdi translıatsııalaý úshin mýltımedııalyq quraldarmen jabdyqtalady.
Sholý alańyna baratyn jolda ornalasqan kórme zalynyń aýdany - 120 sharshy metr. Galereıa sheteldik jáne qazaqstandyq sýretshilerdiń, qolónershilerdiń jáne sándik-qoldanbaly óner sheberleriniń óner týyndylarynyń ekspozıtsııasy úshin qoldanylmaq, sondaı-aq, munda fotokórmeler ótkiziledi.
«Máńgilik El» arkasy QR Prezıdentiniń bastamasymen 2011 jyldyń 16 jeltoqsanynda Qazaqstan Respýblıkasynyń táýelsizdiginiń 20 jyldyǵyna oraı ashyldy.
«Máńgilik El» monýmenti granıt pen mármárdan jasaldy. Qaqpa qazaq oıýlarymen bezendirilgen. Fasadtardyń túbinde oıshyl aqsaqaldyń, áıel ananyń, orta ǵasyrlardaǵy batyrdyń jáne zamanaýı jaýyngerdiń qola músinderi ornatylǵan.
Qaqpanyń búıir qýysynda Qoja Ahmet ıAssaýı mavzoleıindegi «Taıqazannyń» kóshirmesi ornatylǵan. Bul birliktiń, qonaqjaılylyqtyń jáne jetistiktiń belgisi.
Qaqpanyń búıir qabyrǵalary kúrdeli qazaq oıýlarymen órnektelgen, onyń joǵarǵy bóliginde qaýipten qorǵaıtyn, senimdilik men turaqtylyq, jeńis syılaıtyn qazaq jaýyngerleriniń qalqany ornalasqan. Sonymen qatar, relefti panno monýmentke erekshe kórik berip tur.
Astanada sholý alańy týrısterdiń qyzyǵýshylyǵyn oıatyp qana qoımaı, túlekter men jas jubaılar arasynda keńinen belgili orynǵa aınalýy múmkin.
