Astanadaǵy M. Gorkıı atyndaǵy orys drama teatrynynyń ujymyna shaǵyn avtobýs syıǵa tartyldy
ASTANA. 24 jeltoqsan. QazAqparat /Jasulan Amanbaıuly/ - Qazaqstan halqy Assambleıasynyń bastamasymen Orys, kazak jáne slavıan uıymdary úılestirý Keńesi Astanadaǵy M. Gorkıı atyndaǵy orys drama teatrynyń 110 jyldyǵyna arnap, óner ujymyna saltanatty túrde «Toyota Hiace» mıkroavtobýsyn tabys etti.
TMD elderindegi alǵashqy orys teatrynyń biri bolyp tabylatyn Astanadaǵy Maksım Gorkıı atyndaǵy Orys drama teatry óziniń 110 jyldyq mereıtoıyn atap ótýde.
«Osydan 110 jyl buryn, HH ǵasyrdyń basynda, 1900 jyly qazaq dalasynda orys teatrynyń bolýy - qazaq dalasynda mádenıetter birliginiń aıqyn kórinisi, ulttardyń jarasymdy, tatý-tátti ómir súrgendiginiń belgisi. Teatr árqashan qoǵamdy «tárbıeleý mektebi» bolǵandyqtan, mádenı oshaq Qazaqstan halqynyń rýhanı damýynyń irgetasy bolyp tabylady dep nyq senimmen aıta alamyz»,- dep jazylǵan Qazaqstan halqy Assambleıasynyń taratqan aqparynda.
Orys drama teatry 1899 jyly «dramalyq ónerge áýes jurttyń ótinishi» boıynsha tuńǵysh ret Aqmola jerinde negiz qalady. Áýelde qalalyq basshylyqtyń jáne Kýbrın degen kópestiń qarjysyna salynǵan teatr úıi, keıin Muhtar Áýezovtiń ózi kelip spektakl qoıylymdaryn qoıatyn óner oshaǵyna aınaldy.
Ár jyldary bunda «Halyq qaharmany» ordeniniń ıegeri Ázirbaıjan Mámbetov, Qazaq KSR-niń Halyq ártisi E. Orel, Qazaq KSR-niń Eńbek sińirgen ártisteri E. Marýsına, S. Grýpp, N. Mılovıdov, A. Hodaev, I. Goroshevıch, N. Nazarkovskaıa, A. Chervov, Moldavııanyń Eńbek sińirgen ártisi R. Svetınskaıa, KSRO Memlekettik syılyǵynyń laýreaty M. Kovaleva, QR Halyq ártisi V. Arhıpenkov, QR Mádenıet qaıratkeri, «Qurmet» ordeniniń ıegeri S. Prılýtskaıa syndy iri teatr maıtalmandary óner kórsetti.
Qazir teatr repertýarynda N. Gogol, A. Chehov, J. Kokto, A. Vampılov, N. Ptýshkına, Ý. Shekspır, S. Mrojek, R. Otarbaev jáne taǵy da basqa jazýshylar pesalarynyń negizinde jazylǵan 20-ǵa tarta spektakl bar.
