Astanadaǵy lyq toly avtobýstardyń máselesi qalaı sheshiledi
ASTANA. QazAqparat – City Transportation Systems astanadaǵy lyq toly avtobýstardyń máselesin qalaı sheshýdi josparlap otyrǵany týraly aıtty, dep habarlaıdy QazAqparat tilshisi.
«Jolaýshylar aǵynyn ólsheý derekteri boıynsha, 15, 26, 29, 29A, 61, 37, 46, 50, 56, 51 marshrýttarda avtobýstardyń 91%-dan asa toly bolatyny anyqtaldy. Biz osy atalǵan marshrýttardaǵy, sondaı-aq qatynaý aralyǵyn qysqartýdy qajet etetin marshrýttardyń grafık sanyn ulǵaıtýdy josparlap otyrmyz. Búgingi tańda avtobýs tapshylyǵyna baılanysty kesteler sanyn kóbeıtý qıyn. Alaıda kesteni jańa tasymaldaý jelisin shyǵarý arqyly ulǵaıtý josparlanýda», - dep jazylǵan kompanııanyń QazAqparat saýalyna joldaǵan jaýabynda.
Sonymen qatar CTS kompanııasy qoǵamdyq kólikte jol aqysyn tóleý, parkıngter jáne velosıpedterdi jalǵa berý sııaqty úsh qyzmetti biriktiretin qosymshany synaqtan ótkizip jatqanyn málim etti.
Ótpeli avtorızatsııa paıdalanýshyǵa naqty ýaqyt rejıminde avtobýstardy marshrýt boıynsha baqylaýǵa, qoljetimdilikti kórýge jáne turaq ornyn brondaýǵa múmkindik beredi.
