Astanadaǵy qysqy Arbatta amerıkalyq top án salady
ASTANA. QazAqparat - Astana turǵyndary men qala qonaqtary Arbatta amerıkalyq toptyń ónerin tamashalaı alady, dep habarlaıdy QazAqparat.
«The Astana Bluegrass Survivors" tobynyń ónerin tamashalaýǵa jeksenbi kúni 15:00-de Arbatqa kelińizder. Astanada bas qosqan amerıkalyq ónerpazdardyń mýzykasy kovboı kınolaryn eske túsirip, tyńdaýshynyń kóńilin kóteredi.», - dep jazdy eloradynyń «Saryarqa» aýdanynyń ákimi Arman Turlybek Feısbýktegi paraqshasynda.
Sondaı-aq, ol qysqy pavılonda ótetin mýzykalyq sharaǵa kirý tegin ekenin de atap ótti.
Buǵan deıin habarlaǵanymyzdaı, elordada qysqy Arbat 12.00 men 20.00 aralyǵynda jumys isteıdi. Astana turǵyndary men qonaqtarynyń jaılylyǵy úshin qys mezgilinde jylytylatyn zamanaýı modýldi pýnkter ornatylǵan. Onda qazaqstandyq qolónershiler men qoldanbaly óner sheberleriniń týyndylary qoıylady.
