Astanadaǵy «Qypshaq» TK qatysty apellıatsııalyq alqanyń sheshimi shyqty

ASTANA. QazAqparat - Apellıatsııalyq alqa Astana qalasy Almaty aýdanynyń №2-inshi aýdandyq sotynyń «Kakadý» JShS-niń burynǵy basshysy M.Álimbetovke qatysty 2016 jylǵy 20 qyrkúıektegi úkimin ózgerissiz qaldyrdy, dep habarlaıdy QazAqparat elorda sotynyń baspasóz qyzmetine silteme jasap.

Eske salaıyq, M.Álimbetov «Qypshaq» turǵyn úı kesheniniń qurylysyna úlestik qatysý kelisimshartyn jasaı otyryp, úlestik qurylys qatysýshylarynan aqshalaı qarajattar alǵan bolatyn.

Sonymen qatar, 2008 jyly M.Álimbetov «Astana qalasynyń Qurylys departamenti» MM-men «Qypshaq» TK-niń aıaqtalmaǵan qurylysynyń nysanyna turǵyn úılerdi memlekettik satyp alý týraly kelisimshart jasaǵan. Alaıda, ony aıaqtamastan, memlekettiń jáne úleskerlerdiń iri kólemdegi aqshalaı qarajattaryn qaltasyna basyp, elden qashyp ketken.

Almaty aýdanynyń №2-inshi aýdandyq sotynyń úkimimen M.Álimbetov jazasyn jalpy rejimdegi túzetý kolonııasynda óteýmen 6 jyl 8 aıǵa bas bostandyǵynan aıyrylǵan bolatyn. Sondaı-aq onyń múlki tárkilenip, oǵan 3 jylǵa deıin kásipkerlik aınalysý quqyǵyna shekteý qoıyldy.

Sot úkimi zańdy kúshine endi.