Astanadaǵy qylmystyń basym bóligi esirtki aınalymymen jáne adam ólimimen baılanysty
ASTANA. QazAqparat - Astanada oryn alatyn qylmystyń basym bóligi esirtki aınalymymen jáne adam ólimimen baılanysty. Bul týraly búgin Astana qalasynyń qylmystyq ister jónindegi mamandandyrylǵan aýdanaralyq sotynyń sýdıasy Erlan Qosmuratov málim etti.
Onyń atap ótýinshe, aǵymdaǵy jyldyń 5 aıynda Astana qalasynyń mamandandyrylǵan aýdanaralyq sotyna 35 tulǵaǵa qatysty 30 qylmystyq is túsken. Bul 2014 jyldyń sáıkes kezeńimen salystyrǵanda 10 iske az.
Barlyq qylmystyń 19-y esirtki zattarynyń zańsyz aınalymymen baılanysty bolyp otyr. Sonymen qatar QR QK 99 baby boıynsha, ıaǵnı adam óltirý babymen 12 azamatqa qatysty qylmystyq is qozǵaldy.
Aıta keterligi, ótken jyly da, aǵymdaǵy jyly da elimizde ólim jazasy ne bolmasa ómir boıǵy bas bostandyǵyna aıyrý jazasy taǵaıyndalǵan joq.
