Astanadaǵy qylmystardyń jartysynan astamy - urlyq
ASTANA. QazAqparat - Astanada jasalatyn qylmystyq quqyq buzýshylyqtardyń jartysynan kóbi urlyq bolyp keledi, dep habarlaıdy QazAqparat qalalyq prokýratýraǵa silteme jasap.
Aǵymdaǵy jyldyń sáýir aıynan bastap qala prokýratýrasynyń úılestirýimen ishki ister organdary "Qalta-urlyqshy" sanatyndaǵy esepke alynǵandarǵa qatysty jedel-izdestirý is-sharalaryn júrgizýde.
33 urlyqqa qatysy bar 15 adam qylmystyq jaýaptylyqqa tartyldy.
Qashyqtyqtan dabyl qondyrǵylaryn skanerleý arqyly avtokólikterden urlyq jasaýdyń 57 faktisin jasaǵan 9 top ustaldy.
Urlanǵan velosıpedterdi, kólik bólshekteri men magnıtoldardy satý oryndaryn anyqtaý maqsatynda kólik bazarlarynda jedel-izdestirý jáne aldyn alý is-sharalary júrgizildi.
Kólik akkýmýlıatorlaryn urlaýmen aınalysqan bir top adam qolǵa tústi. Polıtsııaǵa 723 adam jetkizilgen, onyń ekeýi izdestirilýde bolǵan.
Reıd nátıjesinde shyǵý tegin satýshylar túsindire almaǵan 500-den astam ataýy bar qosalqy bólshekter alyndy.
Turǵyn úı keshenderiniń aýmaǵynda urlyq jasaý múmkindigin azaıtý úshin prokýrorlar ishki ister organdarymen birlesip, turǵyndarmen jáne PIK-niń ókilderimen únemi kezdesýler ótkizýde.
Sondaı-aq, qalalyq bılikpen qoǵamdyq kólikti beınebaqylaý júıelerimen jabdyqtaý boıynsha jumystar júrgizilýde.
Qabyldanǵan sharalar Astanada urlyq jasaý faktilerin 28%-ǵa, al jalpy qylmys deńgeıin 25%-ǵa tómendetýge múmkindik berdi.
