Astanadaǵy kórmede shet memleketterden kelgen 70-ke tarta kompanııa jylyjaı tehnolgııalaryn usyndy
STANA. Mamyrdyń 13-i. QazAqparat /Jasulan Amanbaıuly/ - Búgin, beısenbide Astanadaǵy Kongress Holl saraıynda «Panaly topyraq tehnologııalary, jylyjaı keshenderi. Gúlder. Landshaft. Aýla - 2010» atty I-shi Eýrazııalyq kórme ashyldy,
dep habarlaıdy QazAqparat.
Kórmege Reseı, Gollandııa, Ekvador, Germanııa, Ispanııa, Ýkraına, Belgııa, Avstrııa, Italııa, Kenııa syndy 12-ge tarta shet memleketterden jáne Qazastannan 70-ke tarta kompanııa qatysýda.
Bul kompanııalar óndiristik, fermerlik jylyjaı keshenderin, baqsha jabdyqtaryn, tuqym egý jáne sýarý materıaldaryn, oranjereıalar men jylyjaılardyń jaryqpen qamtamasyz etý qurylǵylaryn, jabyq baý-baqshalardaǵy sýarý jabdyqtaryn, agrotekstıl ónimderin qoıǵan. Sonymen qatar gúl jáne landshaftty bezendirý qyzmetterin usyna kelgen.
«Kórme landshaftty dızaın naryǵynyń jańa, álemdik tendentsııalaryn bilip tanýǵa mol múmkindik beredi. Sondaı-aq gúl jáne landshaftty ónimderdiń jasaýshylary men jetkizýshileri, jylyjaı tehnologııalarynyń shyǵarýshylar arasynda iskerlik qarym-qatynastardy ornatýǵa, tájirıbe almasýlaryna arnalǵan dıalogtik alań bolmaq», deıdi uıymdastyrýshylar.
«Aýyl sharýashylyǵynda jylyjaı salasynyń alar orny erekshe. Sondyqtan osyndaı sharalar kásipkerlerdiń isin ary qaraı damytýǵa, osy salany órkendetýge óz úlesin qosady», deıdi saltanatty ashylý rásiminde Aýyl sharýashylyǵy vıtse-mınıstri Arman Evnıev.
3 kúnge belgilengen shara barysynda semınarlar, dóńgelek ústel jıyndary qatar ótkiziledi.
