Astanadaǵy «Kórkem» turǵyn úı keshenindegi oqıǵaǵa qatysty aldyn-ala boljam aıtyldy
ASTANA. QazAqparat - Astana qalalyq eńbek ınspektsııasynyń ókilderi «Kórkem» turǵyn úı kesheninde bolǵan oqys oqıǵaǵa qatysty aldyn-ala boljamdaryn jarııalady.
On segiz adamnyń zardap shegýimen aıaqtalǵan qurylys alańyndaǵy baqytsyz jaǵdaıǵa qurylys satysy bekitpelerindegi aqaý sebep bolýy múmkin.Basqarma basshysy Qaırat Ysqaqovtyń aıtýynsha, qurylys satylarynyń paıdalaný merzimi ótpegenimen, olardan aqaý tabylypty, dep habarlaıdy Jetinshi arna. «Qazir arnaıy komıssııanyń saraptama qorytyndysy daıyn emes. Biraq aldyn-ala boljamdar boıynsha apatqa qurylys satylaryndaǵy bekitpelerdiń aqaýy sebep bolýy múmkin. Biz qorytyndy shyqqannan keıin isti ekonomıkalyq sotqa jiberemiz. Merdiger mekemege jazany sot taǵaıyndaıdy», - dedi qalalyq Eńbek ınspektsııasy basqarmasy basshysynyń mindetin atqarýshy Qaırat Ysqaqov. Esterińizge sala keteıik, 25 sáýir kúni elordadaǵy «Kórkem» turǵyn úı kesheniniń qurylys alańynda bıiktikten qulaǵan 18 adamnyń 11-i aýrýhanaǵa jatqyzylǵan bolatyn.
