Astanadaǵy «Kórkem» turǵyn úı kesheninde bolǵan tótenshe jaǵdaıdy arnaıy komıssııa tergeýde
ASTANA. QazAqparat - «Kórkem» turǵyn úı kesheninde bolǵan tótenshe jaǵdaıdy arnaıy komıssııa tergeýde. Bul týraly búgin QR Eńbek jáne halyqty áleýmettik qorǵaý mınıstrliginde ótken brıfıngte Baqylaý jáne áleýmettik qorǵaý jónindegi komıtetiniń tóraǵasy Aqmadı Sarbasov málim etti.
Onyń aıtýynsha, qurylys aımaǵyna shyqqan eńbek ınspektory men prokýratýra qyzmetkerleri eńbek zańnamasynyń buzylǵandyǵyn anyqtaǵan. Qazirgi ýaqytta tergeý jumystary júrgizilýde.
«Qazirgi ýaqytta tótenshe jaǵdaıǵa qatysty tergeý komıssııasy quryldy. Ony ákimdik ókili - eńbek ınspektsııasy organy basqarýda. Komıssııa quramyna, sondaı-aq jumys berýshi, jumysshylardyń ókilderi engen. Tergeý 10 kún júrgiziledi. Nátıjesi habarlanatyn bolady», - dedi ol. Eske sala keteıik, 25 sáýir kúni Astanada «Kórkem» turǵyn úı kesheninde metall qurylymdarynyń bólikteri qulap ketip, 18 adam jaraqat alǵan bolatyn.
