Astanadaǵy kóppáterli úıden shyqqan órtten zardap shekken úsh adam aýrýhanaǵa jatqyzyldy
ASTANA. QazAqparat - Astana qalasynyń Saryarqa aýdanyndaǵy kóppáterli úıdiń 3-qabatynan shyqqan órt birtindep 4-qabattaǵy páterdiń balkonyna jaıylǵan. Órt saǵat túski tórtter shamasynda bastalǵan, dep habarlaıdy QR TJM baspasóz qyzmetinen.
Tilsiz jaýdy aýyzdyqtaýǵa Astana qalasynyń TJD jeke quramynyń 20 adamy men 8 tehnıkasy qatysqan. Órt sharpyǵan aýmaq kólemi 20 sharshy metrdi qurady. Tilsiz jaýdan 5 adam, onyń ishinde 1 bala qutqaryldy. Oqıǵa ornynan ıis tıip ýlanǵan azamattar 1978 jyly týǵan D.Amanjolova, 1930 jyly týǵan Sh.Shaıkenova jáne 1995 jyly týǵan S.Mámbetalıev aýrýhanaǵa jetkizildi.
Al Pavlodar oblysynda «Pavlodarzemstroı» JShS aýmaǵyndaǵy avtomobıl boksynda túngi saǵat 23.30-dar shamasynda «Volvo» avtobýsy tutanyp janǵan. Órt túngi saǵat bir jarymdar kezinde aýyzdyqtaldy. Jalyn 40 sharshy metr aýmaqty sharpyǵan. Órt sóndirý qyzmetiniń kúshimen oqıǵa ornynan 3 tehnıka men 4 gaz ballony evakýatsııalandy. Zardap shekkender joq.
