Astanadaǵy Kongress-Hollda jýrnalıster arasynda ótken shyǵarmashylyq baıqaýdyń jeńimpazdary marapattaldy
ASTANA. Shildeniń 4-i. QazAqparat /Gúlmıra Álıakparova/ - Búgin elordadaǵy Kongress-Holl saraıynda Astana taqyrybyna arnalǵan jýrnalıster arasyndaǵy shyǵarmashylyq baıqaýdyń jeńimpazdary marapattaldy.
Baspa, televızııa jáne radıo kúnine oraı Astana qalasy ákimdigi men «Báıterek» halyqaralyq medıa-ortalyǵy jarııalanǵan baıqaý, Astana kúni merekesi qarsańynda qorytyndylanyp, jeńimpazdar esimderi «Án júregim - Astana» án baıqaýynyń gala-kontserti barysynda jarııalandy.
Qazaq jáne orys tilinde jaryq kórgen shyǵarmashylyq jumystar tórt atalym boıynsha anyqtaldy. Olar - eń úzdik televızııalyq jýrnalıst, eń úzdik radıojýrnalıst, eń úzdik baspa tilshisi, eń úzdik jýrnal tilshisi, eń úzdik elektrondyq buqaralyq aqparat quraldary, eń úzdik fototilshi jáne eń úzdik taspager.
«QazAqparat» Agenttiginiń qazaq jáne orys tildi tilshileri eń úzdik elektrondyq buqaralyq aqparat quraldary atalymynda jeńimpaz tanyldy.
Júzden júırik shaqqan qalamgerlerge Astana qalasy ákimdiginiń dıplomdary men baǵaly syılyqtaryn qazaq estradasynyń jarqyn juldyzdary tabys etti.
