Astanadaǵy Kongress-Holl ǵımaratyna jarylǵysh zat «qoıǵan» telefon lańkesi ustaldy
ASTANA. 21 mamyr. QazAqparat - 20 mamyr kúni saǵat tańǵy 06:58-de Astana qalalyq ІІD-niń Jedel basqarý ortalyǵyna belgisiz abonent qońyraý shalyp, Kongress-Holl ǵımaratyna jarylǵysh qurylǵy qoıylǵandyǵy týraly habarlaǵan.
Bul týraly Astana qalalyq ІІD baspasóz qyzmetinen málim etti.
Atalǵan orynǵa dereý ara jedel qyzmetshiler, ІІD basshylyǵy men jedel tergeý toby sondaı-aq, UQKD, TJD qyzmetkerleri jetti. Kınologııalyq qyzmet ortalyǵynyń mamandary men «Arlan» arnaıy jasaǵynyń jarylǵysh zat mamandary ákimshilik ǵımarat pen onyń tóńiregindegi aýmaqty tolyq tintip shyqty. Alaıda jarylǵysh zat tabylǵan joq.
Elordalyq polıtseıler júrgizgen jedel-izdestirý sharalarynyń nátıjesinde S. esimdi Astana qalasynyń 28 jastaǵy turǵyny ustaldy. Atalǵan is boıynsha QR QK-niń 242-baby boıynsha (Lańkestik akti týraly qasaqana jalǵan aqparat berý) qylmystyq is qozǵaldy.
Ustalǵan kúdikti Atana qalalyq ІІD-niń ýaqytsha ustaý abaqtysyna qamaldy. Tergeý amaldary jalǵastyrylýda.
