Astanadaǵy konferentsııada Qazaqstannyń «tórt T» qaǵıdaty talqylanbaq
STANA. Naýryzdyń 2-si. QazAqparat /Arman Asqarov/ - Erteń, naýryzdyń 3-i kúni Lev Gýmılev atyndaǵy Eýrazııa ulttyq ýnıversıtetinde «Qazaqstan EQYU-daǵy tóraǵalyǵy: «tórt T» -«trast»-senim, «tradıshn»-dástúr, «transparensı»-ashyqtyq, jáne «tolerans»-tózimdilik» ustanymy» taqyrybynda halyqaralyq ǵylymı-tájirıbelik konferentsııa ótedi,
dep habarlaıdy QazAqparat. Elbasy N.Á.Nazarbaevtyń Qazaqstannyń EQYU-ǵa tóraǵalyq etýiniń basym baǵyttaryna arnalǵan Úndeýi aıasynda ótkeli otyrǵan konferentsııaǵa QR Senat jáne Parlament Májilisiniń depýtattary, elshiler, resmı tulǵalar jáne ýnıversıtet oqytýshylary men stýdentteri qatysady.
Ashyq áńgime úlgisinde ótetin májilis barysynda konferentsııaǵa qatysýshylar stýdent-jastardyń kókeıinde júrgen saýaldarǵa jaýap beredi.
