Astanadaǵy kólikti aıdap áketýshiler Belarýs aýmaǵynda QR men RF-nyń azamattaryn óltirgenderin moıyndady
ASTANA. 21 qańtar. QazAqparat - Astana qalasy ІІD-niń «Almaty» aýdandyq ІІD-ine 16 qańtar kúni turǵyn úıdiń aýlasynan «Toıota Haılander» kóligi aıdap áketilgeni týraly habarlama kelip tústi.
Astana qalalyq ІІD-niń baspasóz qyzmetinen habarlaǵandaı, oqıǵa ornyna shyqqan polıtsııa qyzmetkerleri túngi ýaqytta kóliktiń ıesin úsh belgisiz adamnyń uryp-soǵyp, odan keıin onyń kóligin aıdap áketkenderin anyqtady.
Jedel-izdeý sharalaryn ótkizý kezinde polıtsııa qyzmetkerleri kólikti minip ketken tulǵalardy anyqtap, ustady. Olar Soltústik Qazaqstan jáne Aqmola oblystarynyń 1982, 1985 jáne 1994 jylǵy týmalary bolyp shyqty.
Tergeý kezinde olar kólikti aıdap áketkenderin moıyndady. Budan basqa, ustalǵan azamattardyń ekeýi 2012 jyldyń jeltoqsan aıynda Belarýs Respýblıkasynyń astanasy Mınsk qalasynda Qazaqstan Respýblıkasynyń azamaty men onyń reseılik dosyn óltirgenderin moıyndady.
Ustalǵan azamattar Astana qalalyq ІІD-niń ýaqytsha ustaý abaqtysyna qamaldy. Qazirgi ýaqytta tergeý amaldary júrgizilýde.
