Astanadaǵy kólik jóndeý ortalyǵynda órt shyqty
NUR-SULTAN. QazAqparat - Respýblıka dańǵylynyń boıyndaǵy kólik jóndeý ortalyǵynda órt shyqty, dep habarlaıdy QazAqparat TJK baspasóz qyzmetine silteme jasap.
«25 sáýirde 13:46-da Nur-Sultan qalasy TJD «101» pýltine Respýblıka dańǵylynyń boıyndaǵy «Gt-Motors» kólik jóndeý ortalyǵynda órt shyqqany týraly habar tústi. Órt 150 sharshy metr aýmaqty sharpyǵan, ǵımarat shatyrynyń aǵashy men jylý oqshaýlaǵysy janǵan», - delingen habarlamada.
Órt 14:19-da aýyzdyqtalyp, 14:37-de sóndirildi. Eshkim zardap shekken joq.
Órtti sóndirýge qalalyq TJD-nyń 4 tehnıkasy men jeke quramnyń 21 qyzmetkeri jumyldyryldy.
