Astanadaǵy kólik-logıstıka ortalyǵyna kúnine qansha júk kelip túsedi

NUR-SULTAN. QazAqparat – Nur-Sultan qalasyndaǵy kólik-logıstıka ortalyǵyna syrttan kúndelikti qansha júk kelip túsetinin «KTZ Express» AQ konteınerlik tasymaldaý qyzmeti departamentiniń dırektory Erjan Baıǵojın aıtyp berdi, dep habarlaıdy QazAqparat tilshisi.

«Bizdiń kólik-logıstıka ortalyǵy 2015 jyly quryldy. Qazirgi ýaqytta elordalyq termınal jylyna 250 tonna júk qabyldaıdy. Al aı saıyn 300-400 vagon júk jetkiziledi. Bul ortalyq bir mezgilde 2 myń konteıner júk qabyldap, ony odan ári jetkize alady», - dedi Erjan Baıǵojın.

Buǵan deıin departament basshysy Qazaqstan arqyly Eýropadan Qytaıǵa júk tasymalynyń qansha turatynyn aıtyp berdi.

«Qazir pandemııaǵa baılanysty baǵa ósti. Buryn bir júk konteıneriniń quny ortasha 6-7 myń AQSh dollaryn qurasa, qazir baǵa 9 myń AQSh dollaryna deıin kóterildi. Onyń ústine teńiz tasymaly da pandemııaǵa baılanysty baǵany ósirdi», - deıdi ol.

Sonymen qatar, E. Baıǵojın Qazaqstannyń syrtqy júk tasymalyna pandemııanyń qalaı áser etkenin aıtty.