Astanadaǵy kólik apaty: 2 júrgizýshi túrli dene jaraqattarymen aýrýhanaǵa tústi
ASTANA. QazAqparat - 22 tamyz kúni tańǵy 8-de elordadaǵy B.Momyshuly dańǵylynda bolǵan jol-kólik apatyna qatysty tekserý júrgizilip jatyr. Aldyn ala tekserý boıynsha, B.Momyshuly dańǵylynan Amanat kóshesine bet alǵan «Toıota» avtokóliginiń júrgizýshisi qarsy jolaqqa shyǵyp ketip, «Lada», «Nıssan almera», «Toıota Rav-4» avtokólikterimen soqtyǵysqan.
Jol-kólik apatynan 1993 jyly týǵan «Toıota» júrgizýshisi, 1977 jyly týǵan «Lada» kóliginiń júrgizýshisi túrli dene jaraqattarymen aýrýhanaǵa jetkizildi. Dárigerler 1992 jyly týǵan «Lada» jolaýshysyn tekserip, úıine qaıtardy, dep habarlaıdy Astana qalasynyń ІІD baspasóz qyzmeti.
