Astanadaǵy kóleńkeli ekonomıkanyń kólemi jarty trıllıon teńgeden asady - I. Tasmaǵambetov
ASTANA. QazAqparat - Elordadaǵy kóleńkeli ekonomıkanyń kólemi jarty trıllıon teńgeden asady. Bul týraly búgin Astana ákimi Imanǵalı Tasmaǵambetov Ulttyq kásipkerler palatasynyń qalalyq konferentsııasy barysynda málim etti.
"Resmı statıstıka boıynsha, qalada kóleńkeli ekonomıkanyń úlesi 20 paıyzdy quraıdy. Bul shamamen 540 mlrd. teńge. Olardyń barlyǵy qalada zańdy túrde jumys isteı alar edi, máselen, kásipkerliktiń keńeıýine jáne Astana ekonomıkasyna", - dedi I. Tasmaǵambetov.
Osy oraıda Astana ákimi Qazaqstanda qolǵa alynǵaly jatqan kásipkerlerdi kapıtaldy jáne menshikti zańdastyrýdan úreılenbeýge shaqyrdy.
"Bizde óte jaǵymdy tájirıbe bar. Zańdastyrý kezinde birde bir adam jaýapkershilikke tartylǵan joq. Zańdastyrý adamdardyń termen tapqanyn el ekonomıkasy múddesine jumys istetý úshin jasalady", -dep atap ótti ol.
Imanǵalı Tasmaǵambetov zańdastyrýǵa qatysty kúdikterin de jasyrmady. "Bizde osy salada negatıvti tájirıbe de bar. Mysaly, jer ýchaskelerin zańsyz basyp alýshylarǵa qatysty. Bul jerde keıbireýler aqsha jasap alýǵa tyrysady. Oǵan qarsy bizde tıisti tetikter bar", - dedi I. Tasmaǵambetov.
