Astanadaǵy qoqys óńdeıtin zaýyttyń qurylysyn aıaqtaýǵa jetpeı turǵan 6 mln. eýronyń túıtkili sheshildi - V. Krylov
ANA. 11 naýryz. QazAqparat /Jasulan Amanbaıuly/ - Astanadaǵy qoqys óńdeıtin zaýyttyń qurylysyn aıaqtaýǵa jetpeı turǵan 6 mln. eýro qarajattyń túıtkili sheshildi.
Bul týraly búgin Astana máslıhatynyń 59-sessııa barysynda qala ákiminiń orynbasary Vasılıı Krylov málim etti.
«Astanadaǵy qoqys óńdeıtin zaýytqa qatysty. Búginde onyń quny 32 mln. eýrony qurap otyr. Keshe biz kelissózder júrgizip, onyń qurylysyn aıaqtaýǵa qajetti 6 mln. eýronyń máselesin sheshtik»,-dedi V. Krylov.
Zaýyt qurylysy 2011 jyldyń orta tusynda bastalady. Bunyń aldynda josparlanǵanyndaı, ekoqurylys 2010 jyly iske qosylý kerek edi. Alaıda qarjylandyrýdyń qıynshylyqtary sebebinen nysan qurylysy keshiktirildi.
Zaýytty jobalaý barysynda Qazaqstannyń ǵylymı-zertteý uıymdarynda jasaqtalǵan eń ozyq tehnologııalar men noý-haý qoldanyldy. Atalǵan zaýyt Astana qalasyndaǵy qatty turmystyq qaldyqtardy azaıtyp, qala ekojúıesin turaqtandyrýǵa mol áser beredi dep kútilýde. Jetijúzmyńdyq turǵyny bar megapolıs úshin bul úlken tehnologııalyq-ekologııalyq qadam bolmaq. Ol qaladaǵy qaldyqtardy joıýda tıimdilikti arttyryp, táýligine 1 680 tonna qoqys óńdep otyrady. Kásiporyn qurylysy eldegi iri qalalardyń ekologııalyq ahýaly men memlekettiń ekologııalyq qaýipsizdigin qamtamasyz etýge arnalǵan sharalar kesheni bolyp tabylatyn «Jasyl damý» memlekettik baǵdarlamasynyń sheńberinde iske asyrylýda.
