Astanadaǵy «Kóktal» kentine jańa avtobýstar qatynaıdy
ASTANA. QazAqparat - 16 qarashadan bastap № 71 avtobýs baǵdarynyń qozǵalys syzbasy ózgeredi, dep habarlaıdy QazAqparat qala ákimdiginiń medıa ortalyǵyna silteme jasap.
«Kóktal-2» TA - «METRO» gıpermarketi baǵyty boıynsha júretin № 71 baǵdarynda jańa yńǵaıly «Iveco» markaly avtobýstar qyzmet kórsetetin bolady.
Sondaı-aq, № 71 baǵdaryna úlken kólemdi avtobýstar qyzmet kórsetýine baılanysty, baǵdardyń júrý syzbasy ózgeredi.
«Kóktal-2» TA bastapqy núktesinen M.Jumabaev pen Obaǵan kósheleriniń qıylysyna deıin ózgerissiz, ary qaraı Jumabaev kóshesimen týra - solǵa Balqantaý kóshesine, odan ary aǵymdaǵy syzbaǵa sáıkes.
Keri baǵytta aǵymdaǵy uqsas qozǵalys úlgisi boıynsha.
Sondaı-aq, 16 qarashadan bastap № 18 baǵdary boıynsha avtobýstar sany 16-dan 20-ǵa kóbeıedi, qatynaý jıiligi 11 mınýttan 9 mınýtqa deıin qysqarady.
