Astanadaǵy Kóktal-2 eldi mekeninde taǵy bir qoǵamdyq keńistik ashyldy

NUR-SULTAN. QazAqparat – Kóktal-2 eldi mekenindegi jańa qoǵamdyq keńistik turǵyndardyń ótinishi boıynsha eskirgen alańnyń ornyna salyndy. Bul týraly astana ákimi Altaı Kólginov áleýmettik jelidegi paraqshasynda jazdy.

«Qorǵaljyn» gúlzarynda balalarǵa arnalǵan oıyn alańy, sport alańy, is-sharalarǵa arnalǵan oryn, demalysty tynysh orynda ótkizýge arnalǵan aýmaq jáne t.b. ornalasqan. Shahmat pen tennıs ústelderi bar. Jańa oryn kógaldandyrylyp, jergilikti sýarý júıesimen jabdyqtaldy.

Osyǵan deıin Kóktal eldi mekeninde jalpy aýmaǵy 16 gektar bolatyn saıabaq ashylǵan. Aýlalar men qoǵamdyq keńistikterdi abattandyrý kezinde balalardyń da, jastardyń da, aǵa býynnyń da múddelerin eskeremiz. Munyń bári qala turǵyndary bos ýaqytyn densaýlyǵyna paıdaly kúıde ótkizýi úshin jasalyp jatyr», - dep jazdy ákim.

Aıtýynsha, bıyl elordada «Nur-Sultan – jaıly qala» master-jospary aıasynda 250-ge jýyq aýla men qoǵamdyq keńistik (saıabaqtar, gúlzarlar, jelekjoldar) abattandyryldy. Al, úsh jyl ishinde 750-den astam aýla men qoǵamdyq keńistik abattandyrylǵan bolatyn. Bul jumys elordanyń barlyq aýdanynda júrip jatyr.

Foto : gov.kz