Astanadaǵy kókónis qoımasynda bolǵan órtke baılanysty Іshki ister mınıstrligi qylmystyq is qozǵady
ASTANA. Qarashanyń 10-y. QazAqparat /Rýslan Ǵabbasov/ - Astanadaǵy kókónis qoımasynda bolǵan órtke baılanysty Іshki ister mınıstrligi qylmystyq is qozǵady. Bul týraly búgin Astanada ótip jatqan Úkimet otyrysynda málim boldy,
dep habarlaıdy QazAqparat.
Tótenshe jaǵdaılar mınıstri Vladımır Bojkonyń aıtýynsha, órt saldarynan barlyǵy 14 adam qaza boldy. Onyń tórteýi - Reseı azamattary. Adamdardyń qaza bolýyna órt kezindegi ýly gaz ben hmııalyq elementterdiń tútininen ýlanýlar sebep bolǵan.
Mınıstrdiń sózine qaraǵanda jańadan salynyp jatqan kókónis qoımasyndaǵy órttiń aýdany 8 myń sharshy metrdi qurady. Al nysannyń jalpy aýdany 10 myń sharshy metr. Qaza bolǵandar Stepnogordan, Aqmola jáne Jambyl oblystarynan kelgender. «Qazirgi kezde atalǵan oqıǵaǵa baılanysty olardyń turǵylyqty jerlerin anyqtap, týǵan-týysqandaryna habardar etý sharalary júrgizilip jatyr», dedi V. Bojko.
Úkimet otyrysynda málim bolǵanyndaı, atalǵan nysan ındýstrııaldyq parkte salynyp jatqan. Onyń jalpy quny 1 mlrd. 200 mln. teńge. Onyń 900 mln. teńgesi ıgerilgen.
