Astanadaǵy keıbir dúkenderdiń kúzetshileri adamdarǵa qoqan-loqqy kórsetýin toqtatar emes
Bul týraly búgin Astana ákimdiginde ótken dóńgelek ústel barysynda «Ádilet» tutynýshylar quqyǵyn qorǵaý odaǵy tóraǵasynyń orynbasary Tursyn Jaqparova málim etti.
Mamannyń sózine qaraǵanda, Astanadaǵy dúkender men saýda ortalyqtarynyń kúzet qyzmeti tutynýshylardyń quqyqtaryn qorǵaý salasyndaǵy eń basty túıtkilderdiń biri bolyp otyr.
«Tutynýshylardyń quqyqtaryn qorǵaý salasynyń eń basty sorymyzdyń biri - bizdiń kúzetshilerimiz. Astananyń keıbir sýpermarketterinde kúzetshiler óte dóreki. Kúzetshi degen kim? Ol adamdarǵa «qabaǵan ıtteı» atylyp, julqylap, sómkesin aqtarý úshin turǵan joq, taýarlardyń qaýipsizdigin qadaǵalap otyratyn adam bolýy shart», - deıdi ol.
«Bul máseleniń túp-tórkini qaıda jatyr?! Sebebi bizdiń kúzet kompanııalary qyzmetkerlerdi «daladan» alýǵa májbúr», - dep atap ótti T.Jaqparova.
