Astanadaǵy kedendik rásimdeý ortalyǵy elektrondy kezek tártibine aýysty (FOTO)

ASTANA. QazAqparat - «Astana kedendik rásimdeý ortalyǵy» kedendik qujattardy rásimdeý ýaqytyn azaıtyp, qyzmet sapasyn jaqsartý úshin elektrondy kezek tártibine aýysty. Bul týraly búgin kedendik rásimdeý ortalyǵynyń jóndeýden ótken keńsesin tanystyra otyryp, ortalyqtyń bas mamany Serik Toqtasynov aıtyp berdi.

«2014 jyldyń 14 tamyzynda Memlekettik kirister komıteti qurylǵan bolatyn. Osy bir jyl ishinde Astanadaǵy memlekettik kirister departamenti bızneske jeńil bolatyn biraz sharalardy qolǵa aldy. Sonyń biri búgin «Astana kedendik rásimdeý ortalyǵy» jańa qaǵıdat boıynsha, ıaǵnı, Halyqqa qyzmet kórsetý ortalyqtaryndaǵy qyzmet tártibi sııaqty, elektrondy talonmen jumys isteý tártibine aýysty. Buryn rásimdeý ortalyǵyna kelgen adamdar kezek kútip, qolaısyzdyqtarǵa da tap bolyp jatatyn. Astana qalasyna tasymaldanatyn syrtqy taýarlardyń barlyǵy osy kedendik rásimdeý ortalyǵynan ótedi, sondyqtan, bizdiń qyzmetke júginetin kásipkerler qarasy kóp. Elektrondy kezek qyzmet sapasyn jaqsartyp, kásipkerlerdiń ýaqytyn únemdeıdi ári jańadan ornatqan ozyq tehnologııalardyń arqasynda qujattardy rásimdeý ýaqyty da áldeqaıda azaıyp otyr», - deıdi S.Toqtasynov.

Bas mamannyń aıtýynsha, kedendik rásimdeý ortalyǵynda 20 adam qyzmet kórsetedi. 2015 jyldyń birinshi jarty jyldyǵynda 6 myńnan asa júk jáne kedendik deklaratsııalar rásimdelip, kedendik kirister 12 mlrd. teńgeden asqan.