Astanadaǵy qazirgi zamanǵy óner murajaıynda «Qazaqsha Jańa jyldyq ertegi» halyqaralyq kórme-baıqaýynyń vernısajy ótedi
ASTANA. 7 jeltoqsan. Elordadaǵy qazirgi zamanǵy óner murajaıynda 8 jeltoqsan kúni «Qazaqsha Jańa jyldyq ertegi» halyqaralyq kórme-baıqaýynyń vernısajy ashylady.
Bul týraly murajaıdyń baspasóz qyzmeti habarlady.
Bul shara «Qolóner» kommertsııalyq emes uıymnyń uıymdastyrýymen, murajaıdyń, QR ıÝNESKO jáne ISESKO isteri jónindegi ulttyq komıssııanyń, Astana qalasy ákimdiginiń, QR kórkemóner akademııasynyń jáne Astana qalasynyń mádenıet basqarmasynyń jáne Qazaqstandyq aqparat-klýbynyń aqparattyq qoldaýymen qolǵa alynyp otyr.
Jańa jyldyq sýretterdiń, usaq-túıek qoldan jasalǵan zattardyń «Qazaqsha Jańa jyldyq ertegi» kórkemsýrettik baıqaýyna Qazaqstannyń barlyq aımaqtarynan túrli jastaǵy talap bildirgender qatysady. Baıqaýǵa 700 astam jumystar usynyldy. Baıqaýdyń erejeleri men sharttary boıynsha úsh nomınatsııa belgilengen: «Sýret», «Qýyrshaq» jáne «Jańa jyldyq shyrsha oıynshyǵy».
Baıqaýǵa qatysýshylar ózderiniń jumystarynda Qazaqstannyń tarıhyn, ádet-ǵuryptaryn jáne mádenıetin beıneleıtin bolady.
«Qazaqsha Jańa jyldyq ertegi» halyqaralyq kórme-baıqaýy murajaıda 8 jeltoqsannan 2014 jylǵy 12 qańtarǵa deıin jumys isteıdi.
