Astanadaǵy Qazirgi óner murajaıyna arnaıy ǵımarat qajet - murajaı dırektory N.Shıvrına
ASTANA. 26 qarasha. QazAqparat /Arman Asqarov/ - Búgingi tańda Qazirgi óner murajaıynyń qory mol. Biraq osy qordaǵy elimizdiń mańdaıaldy týyndylaryn shyǵaryp qoıatyn oryn jetispeıdi. Sondyqtan Qazirgi óner murajaıyna arnaıy ǵımarat qajet.
Búgin Astanada EQYU Sammıti aıasynda «Qazaqstannyń beıneleý óneriniń qazynasy» atty kórme-vernısajdyń ashylýy aıasynda ótken baspasóz máslıhatynda Qazirgi óner murajaıynyń dırektory Nellı Shıvrına osy máseleni kóterdi.
Onyń sózine qaraǵanda, búgingi tańda 30 jyldyq tarıhy bar Qazirgi óner murajaıynyń baı ári qundy muraǵat qory jınaqtalyp otyr. Biraq murajaıdaǵy oryn jetispeýshiligine baılanysty atalǵan qordyń týyndylaryn kórmege shyǵarý múmkin emes. «Oǵan qosa, murajaı bes qabatty úıdiń birinshi qabatynda ornalasqandyqtan, kóptegen qommýnaldyq aqaýlyqtarǵa baılanysty kórme eksponattaryna nuqsan kelýi ábden múmkin. Sondyqtan búginde bizdiń 4 myńdyq shyǵarmalary bar qorymyzdy, sondaı-aq bizdiń óner týyndylaryn qaıta jańǵyrta alatymyzdy eskere otyryp, murajaıǵa bólek bir ǵımarat bólinýi qajet. Bul Astananyń mádenı ómirinde eleýli oqıǵa bolar edi», - deıdi murajaı dırekory N.Shırvına.
