Astanadaǵy QazATÝ stýdentteri din týraly jańa zań men eldegi dinı ahýaldan qulaǵdar boldy
TANA. 5 qarasha. QazAqparat /Gúlmıra Alıakparova/ - Astananyń dintanýshylary men sala qyzmetkerleri stýdentter sany eń kóp JOO-lardyń biri - S.Seıfýllın atyndaǵy Qazaq agrotehnıkalyq ýnıversıtetinde bolyp, jańadan qabyldanǵan «Dinı qyzmet jáne dinı birlestikter týraly» zańnyń mátinin egjeıli-tegjeıli túsindirip, dástúrli jáne dástúrli emes dinı aǵymdar, ekstremızm men lańkestik týraly maǵlumattar berdi.
Ýnıversıtettiń gýmanıtarlyq fakýlteti uıymdastyrǵan «Zaıyrly qazaq eliniń dinı ahýaly» taqyrybyndaǵy kezdesýdiń maqsaty Din isteri agenttigi, memlekettik mekemeler, qoǵamdyq uıymdar, dintanýshy ǵalymdar, stýdentter men oqytýshylar arasynda ashyq dıalog ornatý boldy.
Jastarmen bolǵan júzdesýge QR Din isteri jónindegi agenttiginen Asan Omarov, Mádenıetter men dinderdiń halyqaralyq ortalyǵynan Jandos Jarqymbekov, L.N.Gýmılev atyndaǵy EUÝ-dan dintanýshy Tyshqan Keńshilik, «Nur-Astana» Ortalyq meshitiniń naıb ımamy Rýslan Qambarov, Astana qalasy Іshki ister departamenti ekstremızmge qarsy kúres basqarmasynyń qyzmetkeri Erjan Demejanov, «Islam mádenıeti men bilimin qoldaý» qorynyń ókili Qanat Ońǵarbaev qatysty.
Otyrysta búgingi kún tártibinen túspeı turǵan elimizdegi dinniń qazirgi kelbeti, jastar ómirindegi dinniń róli, din men ulttyq dástúrlerdiń araqatynasy, jańadan qabyldanǵan «Dinı qyzmet jáne dinı birlestikter týraly» zań, memleketimizdiń dinı ustanymy, dástúrli jáne dástúrli emes dinı aǵymdar, ekstremızm jáne terrorızm syndy kúrmeýi kóp kúrdeli taqyryptaǵy oılar talqylandy.
