Astanadaǵy «Qazaqstan» sport kesheni órtendi
ASTANA. QazAqparat - Astanadaǵy «Qazaqstan» sport kesheninde órt boldy. Sonyń saldarynan Atyraýdan kelgen «Beıbarys» hokkeı klýbynyń formasy túgeldeı janyp ketti, dep habarlaıdy QazAqparat tilshisi.
QR Іshki ister mınıstrligi Tótenshe jaǵdaılar komıtetiniń habarlaýynsha, búgin tańǵy saǵat 7:15-de «Qazaqstan» sport kesheninde órt tutandy.
«Úsh qabatty ǵımarattyń birinshe qabatynda jıhazdar jandy. Órttiń jalpy aýdany 50 sharshy metrdi qurady. Zardap shekkender jáne qurban bolǵandar joq. Aldyn ala málimetke sáıkes, órt elektr symdardyń tuıyqtalýynan shyqqan. 27 mınýttyń ishinde jalyndy tolyǵymen sóndirdik», - dedi komıtettiń resmı ókili Rýslan Imanqulov.
Aıta keteıik, kommentator Aleksandr Oleınık Tvıtterdegi akkaýntynda órtte Atyraýdan kelgen «Beıbarys» hokkeı klýbynyń barlyq formasy janyp ketkenin jazdy. Atalǵan komanda 2 qyrkúıekte «Ertis» hokkeı klýbyna qarsy oınaý úshin kelgen.
