Astanadaǵy Qazaqstan-Reseı ýnıversıtetinde Qazaqstan ekonomıkasynyń básekege qabilettiligi saralandy
ASTANA. Sáýirdiń 22-si. QazAqparat /Jasulan Amanbaıuly/ - Búgin Astanadaǵy Qazaqstan-Reseı ýnıversıtetinde bolǵan respýblıkalyq ǵylymı-tájirıbelik konferentsııa barysynda Qazaqstan ekonomıkasynyń básekege qabilettiligi talqylandy,
dep habarlaıdy QazAqparat.
«Básekege qabiletti ekonomıkanyń damý strategııasy: júzege asyrýdyń teorııasy men tájirıbesi» atty konferentsııa jumysyna qatysqan QR Parlamenti Májilisiniń depýtattary, ulttyq zertteý ınstıtýttarynyń sarapshylary, ýnıversıtetterdiń ǵylymı mamandary memlekettiń áleýmettik-ekonomıkalyq baǵyttaǵy negizgi máselelerin keshendi túrde qarastyryp, ulttyq ekonomıkanyń básekege qabilettiligin arttyrýdyń oń úrdisterin anyqtaýǵa tyrysty.
Sonymen qatar, ǵylymı shara barysynda jahandaný kezeńinde Qazaqstannyń strategııalyq ekonomıkalyq basymdyqtary, ulttyq ekonomıkanyń ındýstrııalyq modeli, quqyqtyq úılestirýdiń negizgi máseleleri talqyǵa salyndy.
Ekonomıkalyq damý jáne saýda mınıstrligi «Ekonomıkalyq zertteýler ınstıtýty» AQ-nyń vıtse-prezıdenti, ekonomıka ǵylymdarynyń doktory, professor Aıgúl Toqsanovanyń aıtýynsha, menedjmentti damytý halyqaralyq ınstıtýtynyń reıtıngisi boıynsha, Qazaqstan básekege qabiletti elderdiń ishinde 36 -shy oryn alady. Ol boıynsha, bizdiń el Reseı, Ýkraına syndy memleketterdi artqa tastaǵan.
«Ekonomıkany básekelestik jaǵdaıyna daıyndaý úshin elimizde Údemeli ındýstrııalyq-ınnovatsııalyq baǵdarlama qabyldandy. Baǵdarlama 2015 jyly Qazaqstannyń ІJÓ 7 trln. teńgege ulǵaıtady dep kútilýde», deıdi A. Toqsanova.
«2008 jyldan bastap Qazaqstannyń ekonomıkalyq damýy qarqyny báseńdegeni, bıýdjet túsimderiniń azaıýy baıqalady. 2008 jyly Qazaqstannyń ІJÓ-niń kórsetkishi 3,3 paıyz kóleminde boldy. 2009 jyly 0,1 paıyzǵa tómendedi. Al 2010 jyly bizdiń boljam boıynsha, ІJÓ 2,4 paıyzǵa jetedi. Álemdegi birqatar memleketterdiń retsessııaǵa ushyrap jatqandaryn eskersek, bul biz úshin jaman emes kórsetkish», - deıdi A. Toqsanova.
