Astanadaǵy qazaq teatry «Aıman-Sholpan» qoıylymynyń qazirgi zamanǵa saı ózgertilgen jańa nusqasyn usynbaq
ASTANA. 4 qarasha. QazAqparat /Gúlmıra Álıakparova/ - Astana qalasyndaǵy Q.Qýanyshbaev atyndaǵy Qazaq mýzykalyq drama teatry óz kórermenderine «Aıman-Sholpan» pesasynyń qazirgi zaman aǵymyna saı ózgertilgen jańa nusqasyn usynbaq.
Teatrdyń baspasóz qyzmetinen málim etkendeı, qoıylymnyń tusaýkeseri 18-19 qarasha kúnderi ótedi.
Qallekı teatry kórermenderiniń negizgi bóligi jastar bolǵandyqtan, qoıylymdy zaman úrdisine saı jańasha túrletý ıdeıasy týyndaǵan. Sóıtip, M.Áýezovtyń klassıkalyq keıipkerleri jańa obrazdarǵa ıe boldy. Máselen, Álibek pen Arystan ıntellıgentsııa ókilderine, al Kótibar «jańa qazaq» obrazyna endi.
Qoıylymnyń qoıýshy rejısseri - QR eńbek sińirgen qaıratkeri Álimbek Orazbekov.
«Aıman-Sholpan» - HІH ǵasyrdyń birinshi jartysyndaǵy qazaq halqynyń lıro-epostyq poemasy. Poemanyń oqıǵa jelisi barshamyzǵa tanys bolsa da, ony tamashalaǵan saıyn tuńǵysh ret kórip otyrǵandaı tolqytady.
