Astanadaǵy Qazaq agrotehnıkalyq ýnıversıtetinde zamanaýı quraldarmen jabdyqtalǵan telestýdııa ashyldy

Telestýdııada jasalǵan alǵashqy reportaj - rektor Aıtbaı Bulashevtyń oqý ornynyń ujymy men stýdentterin Qazaqstan Respýblıkasynyń Táýelsizdigi merekesimen beıne quttyqtaýy. Telestýdııada telereportajdar, sıýjetterdi túsirip, olardy ýnıversıtettiń barlyq oqý korpýstarynda ornatylǵan ekrandarǵa tikeleı jeli arqyly taratýǵa múmkindik bar. Qazir stýdııada jumys isteýge yntaly jastardy qabyldaý júrip jatyr.

A.Bulashev óziniń beıne túsiriliminde merekemen quttyqtap qana qoımaı, ýnıversıtettiń professorlyq-oqytýshylyq quramy men ǵylym qýǵan, sportshy jáne shyǵarmashyl jastardyń 2010 jyly jetken jetistikterine qysqa sholý jasady.

Máselen, aǵymdaǵy jyly 42 oqytýshy dıssertatsııa qorǵap, olardyń 8-i ǵylym doktory ataǵyn aldy; QazATÝ Astananyń joǵary oqý oryndarynyń ishinde birinshi bolyp 50 myńynshy stýdentke dıplom tabys etti; ýnıversıtet ınstıtýtsıonaldyq akkredıtatsııadan jaqsy ótip, aldaǵy bes jylǵa memlekettik komıssııanyń attestatsııasyn aldy; jas ǵalymdar keńesi respýblıkanyń JOO-lary arasynda eń úzdik dep tanyldy; JOO bazasynda Qazaqstannyń joǵary mektepteriniń tarıhynda alǵashqy ret «Agrarlyq ýnıversıtetter kúni» ótkizildi; «Balyq sharýashylyǵy» ǵylymı-zertteý ortalyǵy quryldy; ýnıversıtet janynda kolledj ashyldy; S.Seıfýllın atyndaǵy QazATÝ-dyń «Ǵylym jarshysy» jýrnaly ımpakt-faktory joǵary basylym retinde «Parasat» dıplomymen marapattaldy; stýdenttik jataqhanalardyń respýblıkalyq baıqaýynda №5 jataqhana birinshi oryndy ıelendi.

Rektor stýdentterdiń oqýdaǵy jáne qoǵamdyq ómirdegi jetistikterin de atap ótti. Máselen, jastar memlekettik attestatsııa kezinde joǵary bilimderin kórsetti. Gýandjoýdaǵy Jazǵy Azııa oıyndarynda boksshy Danııar Eleýsinov Qazaqstannyń qorjynyna altyn medal saldy, al Іlııas Súleımenov pen Danııar Tólegenov Qazaqstan chempıondary atandy; basketboldan erler jáne áıelder quramalary Qazaqstan Respýblıkasynyń Kýbogyn ıelendi; sporttyń 15 túri boıynsha ótken qalalyq spartakıadada oqý ornynyń komandalaryna teń kelgender bolmady; «Aq jelken» teatr stýdııasy men «Shattyq» bı ansambli respýblıkalyq baıqaýlardyń jeńimpazdary boldy; «Farab» án-bı teatry Sofııa qalasynda ótken «Sofııa-2010» halyqaralyq festıvalinde sheteldikterdi ónerlerimen tánti etip qaıtty; Astananyń «Stýdenttik arýy» baıqaýynyń bas júldesi oqý ornynyń stýdenti Azıza Sádýaqasovaǵa buıyrdy, al «El besik arýy - 2010» baıqaýynyń bas júldesin Ǵazıza Ibraeva enshiledi; «Jiger» kóńildiler men tapqyrlar klýby «Memlekettik til - meniń tilim» qalalyq baıqaýda birinshi oryndy qanjyǵalaryna baılady. Qarasha aıynda ótken «Astana qalasynyń jastar birligi aptalyǵy - 2010» festıvaliniń nátıjesi boıynsha QazATÝ kezekti ret - eń úzdik JOO dep tanyldy.