Astanadaǵy Qazaq agrotehnıkalyq ýnıversıtetinde «Qazaqstan Respýblıkasy agrarlyq ýnıversıtetteriniń kúnderi» bastaldy

dep habarlaıdy QazAqparat.

Elimizde alǵash ret ótkizilip otyrǵan agrarlyq ýnıversıtetterdiń kúnderine elordadaǵy S.Seıfýllın atyndaǵy QazATÝ, Almatydaǵy Qazaq ulttyq agrarlyq ýnıversıteti men Oraldaǵy Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń rektorlary bastaǵan delegatsııalar qatysýda.

Sharanyń ashylýynda astanalyq Agrarlyq ýnıversıtettiń rektory Aıtbaı Bulashev, Memleket basshysy N.Nazarbaev óziniń sońǵy Joldaýynda, álemge qanat jaıǵan daǵdarysqa qaramastan agrarlyq salanyń ınvestıtsııalyq jobalaryn qarjylandyrý toqtalmaıtynyn basa aıtqanyn tilge tıek etip, búgingi kúni zamanaýı tehnologııalarǵa negizdelgen taýarly-sút fermalary, mal bordaqylaý keshenderi, jylyjaılar, aýylsharýashylyǵyn qaıta óńdeý zaýyttary jáne taǵy basqalar iske qosylyp jatqandyǵyn aıtty.

«Mundaı kásiporyndar, árıne, básekege qabiletti, bilikti mamandardy qajet etedi. Sondyqtan aýylsharýashylyǵyna kadrlardy daıarlaıtyn bilim ordalaryna úlken jaýapkershilikter júktelip otyr. Budan bylaı biz olardy búgingi kúnniń talabyna emes, erteńge kúnniń suranysyna saı keletin mamandarmen qamtamasyz etip otyrýymyz kerek», - dep atap ótti rektor.

A.Bulashevtyń aıtýynsha, bilikti kadrlardy daıarlaý úshin - elimizdiń agrarlyq bilim sapasyna syn kózben qarap, onyń álemdik deńgeıge kóterilýine kedergi jasap otyrǵan máselelerdi aıqyndaý arqyly ońtaıly joldardy jumyla sheshý qajet.

Osy maqsatta agrarlyq ýnıversıtetter kúnderi aıasynda - bilim berý úrdisinde ınnovatsııalyq tehnologııalardy qoldaný, aýyl sharýashylyǵy salalaryna usynylatyn ǵylymı-zertteý jumystaryn ortaq baǵytta júrgizý, bilim sapasynyń monıtorıgi men menedjmenti, básekege qabiletti mamandar daıarlaý úshin aqparattyq resýrstar men ozyq tájirıbelerdi ortaq maqsatta paıdalaný, stýdent-jastar tárbıesi jáne basqa da máseleler jóninde tájirıbe almasylatyn bolady.

Basqosý sońynda atalmysh baǵyttar boıynsha etene jumystar atqarý maqsatynda agrarlyq ýnıversıtetter úsh jaqty kelisimge qol qoıatyn bolady.

«Qazaqstan Respýblıkasy agrarlyq ýnıversıtetteriniń kúnderi» ústimizdegi jylǵy sáýir aıynda - Oraldaǵy Jáńgir han atyndaǵy Batys Qazaqstan agrarlyq-tehnıkalyq ýnıversıtetinde, maýsym-shilde aılarynda - Almatydaǵy Qazaq ulttyq agrarlyq ýnıversıtetinde jalǵasyn tappaq.