Astanadaǵy Qazaq agrotehnıkalyq ýnıversıteti «Eń úzdik jańajyldyq bezendirý» qalalyq baıqaýynyń bas júldesin ıelendi
sp;ASTANA. Jeltoqsannyń 28-i. QazAqparat /Gúlmıra Álıakparova/ - Búgin Astana qalasynyń ákimi Imanǵalı Tasmaǵambetov qaladaǵy mekemeler men bıznes sýbektileriniń arasynda ótkizilgen «Eń úzdik jańajyldyq bezendirý» baıqaýynyń qorytyndysyn shyǵaryp, jeńimpazdardy marapattady,
dep habarlaıdy QazAqparat.
Kásipkerlik jáne ónerkásip, Sáýlet jáne qala qurylysy,sondaı-aq Іshki saıasat basqarmalarynyń, aýdandyq ákimdikter men «Elorda-Jarnama» JShS-nyń ókilderiniń quralǵan qazylar alqasynyń qaraýyna túrli atalymdar boıynsha 47 kompanııa men uıymnan barlyǵy 70 ótinish kelip túsken.
Baıqaý qorytyndysy boıynsha bas júldeni S.Seıfýllın atyndaǵy Qazaq agrotehnıkalyq ýnıversıteti ıelendi. Aıta keteıik, bas júlde - «Báıterek» músinshesin oqý ornynyń rektory Aıtbaı Bulashevqa Qazaqstan Respýblıkasynyń Prezıdenti N.Nazarbaev jeltoqsannyń 25-i kúni Táýelsizdik saraıynda ótken Jańajyldyq keshte saltanatty túrde tabys etken bolatyn.
Búgin qala ákimi baıqaýǵa belsendi qatysýshylardy, sondaı-aq «Jaryqpen úzdik bezendirý», «Іshki ıntererdi úzdik bezendirý» jáne «Merekelik bezendirýdegi jańashyldyq pen daralyq» atalymdary boıynsha jeńimpaz atanǵan «Rıksos Prezıdent Astana» qonaqúıin, «Mılana» gúlder úıi men «Kerýen» saýda oıyn-saýyq ortalyǵyn dıplomdarmen marapattady.
Syı-sııapattarmen qosa, baıqaý jeńimpazdaryna qarjylyq demeýshilerdiń atynan qomaqty aqshalaı syıaqylar tabys etildi. Máselen, bas júlde ıegerine - 3 mıllıon teńge, atalymdar boıynsha úsh jeńimpazǵa - 1 mıllıon teńgeden berildi.
