Astanadaǵy qaıǵyly oqıǵa: Baqytjan Saǵyntaev Qasymov pen ákimderge naqty tapsyrmalar berdi
ASTANA. QazAqparat - QR Іshki ister mınıstrligi jylý berý maýsymy aıaqtalǵansha órt qaýipsizdigi aılyǵyn qaıta bastasyn. Búgin Úkimettiń selektorlyq rejimdegi otyrysynda Premer-Mınıstr Baqytjan Saǵyntaev QR Іshki ister mınıstri Qalmuhanbet Qasymovqa osyndaı tapsyrma júktedi, dep habarlaıdy QazAqparat tilshisi.
«Aldaǵy táýlikterde birqatar óńirde kún sýytady dep kútilýde. Sol sebepti ákimdikterdiń, órt sóndirý jáne tótenshe jaǵdaılar qyzmetteriniń nazaryn órt qaýpi máselesine aýdaramyn. Jylý berý júıelerinde jylý temperatýrasy artady. Jeke úılerde pesh jaǵý kúsheıedi. Sondyqtan qaýipsizdik tehnıkasynyń saqtalýyna erekshe mán berińizder. ІІM jergilikti atqarýshy organdarmen birlesip, jylý berý maýsymy aıaqtalǵansha órt qaýipsizdigi aılyǵyn qaıta bastasyn. Qalmuhanbet Nurmahanbetuly, bul másele sizdiń jeke baqylaýyńyzǵa», - dedi Baqytjan Saǵyntaev Іshki ister mınıstri Qasymovqa qarata.
Sonymen qatar Premer-Mınıstr jylý men energııa beretin barlyq uıymdar, ákimdikterdiń turǵyn úı-kommýnaldyq qyzmetteri tutynýshylardy jetkilikti deńgeıde jylýmen jáne jaryqpen qamtamasyz etsin degen tapsyrma berdi.
«Barlyq qyzmetter irkilissiz jáne apatsyz jumys isteýi qajet. Ákimdikterdiń erekshe baqylaýyna alynsyn», - dedi Úkimet basshysy.
Baqytjan Saǵyntaev áleýmettik jelide órt qaýipsizdigin tekserýshilerdiń jónsiz qylyqtaryn synaý kúsheıip turǵanyna da nazar aýdardy.
«Áleýmettik jelilerde aıtylyp jatyr, tekserýshiler jeke úılerge órt qaýipsizdigin tekserýge kelgen kezde úıge kiredi eken de: «Eshteńe teksermeı-aq qoıaıyn, aqsha berseń kete beremiz» deıdi eken. Máseleniń barlyǵy sodan bastalyp otyr. Osyǵan basa kóńil aýdaryńyzdar. Qatań talap bolýy kerek. Sonda ǵana keshegideı bolǵan qaıǵyly jaǵdaıǵa jol bermeımiz», - dedi Premer-Mınıstr.
Búgingi Úkimettiń selektorlyq rejimdegi otyrysynda QR Premer-Mınıstri Baqytjan Saǵyntaev órtten qaza tapqan 5 balanyń ata-anasyna kóńil aıtty.
Eske sala keteıik, 4 aqpan kúni túnde elordanyń Saryarqa aýdanyndaǵy «Kóktal-1» turǵyn úı alabynda jeke úıdiń aýlasynda turǵyzylǵan ýaqytsha baspanada órt shyqty. Órtti sóndirý barysynda 2006, 2008, 2014, 2016, 2018 jylǵy 5 qyz balanyń denesi tabyldy.
Olardyń kishisi nebári 11 aılyq sábı edi. Órt kezinde bes balanyń ata-anasy túngi jumysta bolǵan.
