Astanadaǵy kastratsııa oqıǵasy: Kúdikti áıel sot aldynda jaýap beredi

ASTANA. QazAqparat - Astana qalasynyń prokýratýrasy súıiktisin kastratsııalaýǵa tyrysty dep aıyptalǵan áıel isin sotqa jiberdi, dep habarlaıdy QazAqparat tilshisi.

«Atalǵan qylmystyq istiń sot óndirisinde jatqanyn habarlaımyz», - dep jaýap berdi prokýratýra agenttiktiń jazbasha saýalyna.

Buǵan deıin Astana qalasynyń ishki ister deparatmenti er adamnyń tánine zaqym keltirý boıynsha atyshýly isti qalalyq prokýratýra qaraıtynyn málimdegen edi. 

Eske sala ketsek, qańtar aıynda 36 jastaǵy kelinshek súıiktisin jynystyq múshesinen aıyrǵysy kelgen bolatyn. Keıinirek qansyraǵan jandy óz kóligimen aýrýhanaǵa alyp barýǵa májbúr bolǵan.

Sonymen qatar, jeli men messendjerlerde Astana qalasy Esil aýdandyq №2 sotynyń 2018 jylǵy 24 qańtardaǵy qaýlysy retinde sıpattalǵan qujattyń fotosy taraldy.