Astanadaǵy Qarjy akademııasynda ekstremızm men terrorızmniń aldyn alýǵa baǵyttalǵan semınar-trenıng ótti
ASTANA. 5 qarasha. QazAqparat - Búgin Astana qalasynyń Jastar saıasaty máseleleri Іshki saıasat basqarmasynyń qoldaýymen «Jiger» qoǵamdyq birlestigi «Qarjy akademııasy» AQ-nyń stýdentteri arasynda dinı ekstremızm men terrorızmniń aldyn alýǵa baǵyttalǵan semınar-trenıng ótkizdi. Bul týraly qoǵamdyq birlestiktiń baspasóz qyzmeti habarlaıdy.
Uıymdastyrýshylardyń málimetinshe, jastar saıasaty salasyndaǵy memlekettik áleýmettik tapsyrystardy oryndaý aıasynda Astana qalasynyń Jastar saıasaty máseleleri Іshki saıasat basqarmasynyń qoldaýymen «Jastar arasyndaǵy dinı ózekti máseleler boıynsha is-sharalardy uıymdastyrý jáne ótkizý» atty áleýmettik joba jumysy júrgizilýde. «Іs-sharanyń basty maqsaty - elordamyz Astana qalasyndaǵy jastar arasynda qoǵamdyq tatýlyq pen adamgershilik qaǵıdattaryn nasıhattaý, olardyń dinı saıasattaǵy saýatyn ashý arqyly dinder arasyndaǵy erekshelikterdi tanyp bilýge jáne basqanyń dinı nanym-senimi men kózqarastaryn, adamdardyń tarıhı, rýhanı qundylyqtaryn syılaýǵa tárbıeleý», - deıdi uıymdastyrýshylar. Sharaǵa memlekettik mekeme ókilderi, stýdentter, dintanýshy-sarapshylar, BAQ jáne qoǵamdyq uıymdar ókilderi qatysty.
